Կենտրոնական բանկի կողմից դոլարի գնումների մեծ ծավալը կապիտալի ներհոսքի նշան է եւ վկայում է Հայաստանի տնտեսության ու կառավարության տնտեսական քաղաքականության նկատմամբ վստահության աճի մասին։ Այս մասին «Ֆեյսբուք»-ի իր էջ գրառման մեջ նշել է ՀՀ վարչապետ Նիկոլ Փաշինյանը։
«Կենտրոնական բանկը հունվարի 31-ին իրականացրել է եւս 17.8 միլիոն դոլարի գնում՝ արտարժույթի շուկայից: Հունվարի գնումների ծավալը այսպիսով, դարձավ 37.8 միլիոն դոլար:
Դոլարային այս առատությունը, ըստ էության, կապիտալի ներհոսքի նշան է եւ վկայում է Հայաստանի տնտեսության ու կառավարության տնտեսական քաղաքականության նկատմամբ վստահության աճի մասին»,- գրել է ՀՀ վարչապետը:
