Ղզիկություն մի արեք։ Հայաստանը շատ փոքր է, ու բոլորն էլ թերևս լավ գիտեն թե՛ գործած հանցանքները, թե՛ հեղինակներին, թե՛ հովանավորներին, թե՛ այն «սարսափելի» պատիժները, որ իրականում վայելում, քան կրում են շատերը:
Անպատժելի մարդիկ չլինելու մասին հայտարարությունները, մեղմ ասած, ապարդյուն են այն իրավապահ, դատաիրավական համակարգի պայմաններում, այն իրավակիրառական պրակտիկայի պայմաններում, որ գոյություն ունի Հայաստանում: Այդ խնդիրը պետք է լուծվի անպատժելիության մասին հայտարարություններից առաջ, որպեսզի վերանա ֆորմալ անմեղության այն շղարշը, որ հաստատված է Հայաստանում: Այլապես, անպատժելիության մասին հայտարարություններից հետո, երբ իրավապահ համակարգի պատասխանատաուին մատնացույց ես անում կոնկրետ օրինակներ, դրանց ի պատասխան հնչում են ստանդարտ պատասխաններ՝ «բա ինչ անենք», «չկա այդ մարդու հանցանքը հաստատող ապացույց», «քաղաքական շահարկում մի արեք», «դուրս մի եկեք իրավական ընթացակարգից», «տուժողը չի բողոքել, հետևաբար գործը կարճվել է», և մի քանի այդօրինակ տրաֆարետային հայտարարություններ, որոնք օգնում են շատերին ջրից չոր դուրս գալ և մնալ անպատիժ:
ԱԺ անկախ պատգամավոր Արման Բաբաջանյանի ֆեյսբուքյան էջից
