Ֆեյսբուքի իր էջում հրապարակելով Հայաստան այցելած զբոսաշրջիկների թվի մասին ՀՀ կառավարության լրատվական ծառայության ավելի վաղ ներկայացրած տվյալները, ՀՀ վարչապետ Նիկոլ Փաշինյանը նշել է, որ բացի սա, Համաշխարհային զբոսաշրջային կազմակերպության կողմից փետրվարի 4-ին հրապարակված բարոմետրի համաձայն՝ Հայաստանը 2019-ին զբոսաշրջության ոլորտում ամենաարագ զարգացող ուղղությունների շարքում զբաղեցրել 12-րդ տեղը աշխարհում:
Վարչապետը հիշեցրել է, որ Թուրքիան և Ադրբեջանը տուրիզմի աճի իրենց տվյալներով զիջել են Հայաստանին՝ զբաղեցնելով համապատասխանաբար 13-րդ և 17-րդ տեղերը՝ 14% և 11.4% աճով։
«Վրաստանն ընդհանրապես տեղի չի զբաղեցել տուրիզմի ոլորտում ամենաարագ զարգացող 20 երկրների շարքում:
ԵԱՏՄ երկրների շարքում Հայաստանը ևս առաջատար է: ԵԱՏՄ երկրներից ցանկում է միայն Ղազախստանը, որը սակայն նույնպես իր տվյալներով զիջում է Հայաստանին՝ գրանցելով 10 տոկոս աճ (20-րդ հորիզոնական)»,-եզրափակել է վարչապետը:
