Jai Jagat 2020. Մեղրիից մեկնարկում է քայլերթ հանուն խաղաղության և արդարության՝ Restart նախաձեռնության անդամների ուղեկցությամբ

ՀՀ հարավային դարպաս Մեղրիից մեկնարկում է քայլերթը հանուն խաղաղության և արդարության։ Jai Jagat 2020 Մեղրիից մինչև Բագրատաշեն ջայջագաթցիներին կուղեկցեն Restart նախաձեռնության անդամները։

«Ջայ Ջագաթ 2020» քայլարշավի ներկայացուցիչները նշում են, որ համախմբման կոչով քայլարշավը նպատակ ունի ձևավորել մարդու իրավունքների գերակայության վրա խարսխված հոգատար միջավայր, որի հիմքում Մահաթմա Գանդիի գաղափարներն են, ով իր ողջ կյանքի ընթացքում պայքարել է հանուն արդարության, հավասարության և խաղաղության`ընտրելով բացառապես ոչ բռնի մեթոդները:

«Ջայ Ջագաթ 2020» քայլարշավի մասնակիցները օրեր առաջ այցելել են նաև ԵՊԲՀ, քանի որ բժշկական համալսարանում են սովորում Հայաստանում ամենաշատ՝ ավելի քան 1800 արտասահմանցի ուսանողները, որոնք կարող են միանալ տնտեսական, սոցիալական և շրջակա միջավայրի խորացող խնդիրների շուրջ համամարդկային համախմբման, խաղաղության կոչին և այն տարածել իրենց երկրներում:

Լուսանկարները՝ Մարիամ Ծատրյանի: