ԱՄՆ-ի Մասաչուսեթս նահանգի Սոմերվիլ քաղաքի քաղաքային իշխանություններն օրինականացրել են պոլիամոր (բազմասիրություն) հարաբերությունները։ Քաղաքային խորհրդի անդամ Լենս Դեվիսի խոսքերով, տնային զուգընկերության՝ այդ թվում պոլիամորային հարաբերությունների օրինականացումը միասին ապրող, բայց պաշտոնապես չամուսնացած մարդկանց հնարավորություն կտա համավարակի ընթացքում զուգընկերոջը հիվանդանոցում տեսակցության գնալ։
«Մարդիկ պոլիամորային հարաբերություններով ապրում են մի հավերժություն։ Ներկա պահին մեր օրենսդրական կարգավորումները բացառում են իրենց գոյությունը և իմ կարծիքով սա ամենաարդյունավետ ուղին չէ։ Գուցե մյուս երկրներն էլ հետևեն մեր օրինակին։ Չեմ կարծում, որ կառավարությունն իրավունք ունի մարդկանց ասելու, թե ինչը կարող է համարվել ընտանիք, իսկ ինչը ոչ» — ասում է Դեվիսը։
Փաստաթուղթը ստորագրվել է հուլիսի 6-ին։ 2004 թվականին Մասաչուսեթսը դարձավ ԱՄՆ-ի առաջին նահանգը, որն օրինականացրեց միասեռականների ամուսնությունը։
Պոլիամորիան (բազմասիրությունը) մի քանի անձանց միջև միաժամանակ տևող ռոմանտիկ հարաբերություն է։
