Հայ-ադրբեջանական սահմանին հակառակորդի կողմից նախաձեռնած ագրեսիվ գործողություների հետևանքով վնասվել են Տավուշի մարզի սահմանամերձ բնակավայրերի և գյուղերի մի շարք օբյեկտներ: Մասնավորապես, հակառակորդը նենգաբար կրակել է մանկապարտեզի, հացի փռի, դիմակի գործարանի՝ այլ կերպ ասած կենսական նշանակության օբյեկտների ուղղությամբ: Դրանից բացի, ադրբեջանական կողմը հարվածել է մարդասիրական առաքելություն իրականացնող ԱԻՆ ավտոմեքենայի և տասնյակ բնակելի տների՝ խաղաղ բնակիչներին դարձնելով թիրախ:
Ցավոք, եղել են բնակիչներ, որոնք ստացել են տարբեր տիպի մարմնական վնասվածքներ, սակայն այս պահի դրությամբ նրանց կյանքին որևէ վտանգ չի սպառնում:
Տավուշի մարզպես Հայկ Չոբանյանը երեկ լրագրողների հետ ճեպազրույցում անդրադարձավ մարզում առկա ապաստարանային ֆոնդին և նշեց, որ այս պահին մարզում առկա է մարդկանց քանակին բավարար ապաստարանային ֆոնդ, իհարկե այն պետք է համալրվի որոշակի առաջնային միջոցներով, որպեսզի հնարավոր լինի ապահովել մարդկանց կենսագործունեությունը, ինչը արվում է այս պահին: Վստահաբար կարող ենք նշել, որ այսօր Տավուշի մարզում ունենք բավարար քանակի ապաստարան, և լարվածության դեպքում առանց խնդիր հնարավոր է ապահովել բնակչության պատսպարումը և տարհանումը:
Դրանից բացի, վերջին օրերին համացանցում նկատելի է դառնում Տավուշի մարզի սահմանամերձ գյուղերի երեխաներին ժամանակավորապես Երևան բերելու և որևէ կերպ սթրեսից հեռու պահելու մարդկանց պատրաստակամությունը, ինչը ևս մեկ անգամ վկայում է այն մասին, որ հակառակորդի գործողությունները ստիպում են Հայաստանին է՛լ ավելի միահամուռ դառնալ, արագորեն լուծել առկա բոլոր խնդիրները և ապավինել ՀՀ զինված ուժերին:
Լուսանկարում՝ Բերդ քաղաքը
Նելլի Խաչատրյան
Սլովակիան աջակցում է Ուկրաինային Եվրամիությանն անդամակցելու հարցում, սակայն Կիևը պետք է պատրաստ լինի դիմակայելու այն…
Վրաստանի իշխող «Վրացական երազանք» կուսակցությունը կրկին նախագահի իմպիչմենթի գործընթաց կսկսի. հայտարարել է խորհրդարանի խոսնակ Շալվա…
ՀՀ քաղաքաշինության, տեխնիկական և հրդեհային անվտանգության տեսչական մարմինը «Դոմուս» կահույքի սրահի Իսակովի 29/1 հասցեում վերահսկողական…
ՌԴ նախագահ Վլադիմիր Պուտինը վաղը` ԱՊՀ պետությունների ղեկավարների խորհրդի նիստից առաջ, երկկողմ հանդիպումներ կունենա ՀՀ…
Իրանի խորհրդարանի ազգային անվտանգության և արտաքին քաղաքականության հանձնաժողովը «Դիմադրության պակտ» է մշակում Մերձավոր Արևելքի երկրների…
Դեպքի վայրում աշխատանքները համակարգող ՀՀ ՆԳՆ փրկարար ծառայության տնօրեն Կամո Ցուցուլյանը լրագրողների հետ զրույցում հայտնեց,…