Թիվ 1 Ստուդիայի տաղավարում հյուրընկալել ենք ռազմական փորձագետ Կարեն Հովհաննիսյանին:
Հովհաննիսյանի խոսքով՝ ադրբեջանական իշխանություններն անում էին ամեն ինչ, որպեսզի լարեն ներքին քաղաքական վիճակը և ժողովրդին բերեն այնպիսի հոգեվիճակի, որ հասարակությունն ինքը պատրաստ լինի պատերազմ սկսելու: Մենք պետք է գիտակցենք, որ հակառակորդը մշտապես ցանկություն ունի նորանոր բարձունքներ և տարածքներ գրավելու, ուստի երբեք չպետք է թուլացնենք մեր զգոնությունը։
Նոր բարելավված դիրքով հայկական Զինուժը կարողանում է որոշակի զսպվածություն պարտադրել հակառակորդին, ինչպես նաև որոշակի առումով շրջափակման մեջ պահել նրանց մի քանի դիրքեր։
Ադրբեջանական բանակի հպարտությունը համարվող գերճշգրիտ զինտեխնիկան պարտություն կրեց Տավուշի մարզում, իսկ Ալիևը փորձում է կատարվածը մատուցել որպես Հայաստանի կողմից սանձազերծված, և փորձ է կատարվում ներկայացնել, որ իրենք կարողացել են զսպել Հայաստանին և թույլ չտալ հասնել հաջողությունների։
Բանակցային գործընթացում արդեն ունենք որոշակի առավելություններ՝ կապված մեր բարալավված դիրքի հետ։