Արևմտյան Շպիցբերգեն կղզում սպիտակ արջը մտել է ճամբարի տարածքում գտնվող վրանը և հարձակվել այնտեղ քնած մարդու վրա: Ինչպես հայտնում է BBC News-ը, ստացված վնասվածքներից տղամարդը մահացել է։
Հայտնի է, որ մահացածը ճամբարում որպես մենեջեր էր աշխատում: Մասնավորապես, նա էր պատասխանատու վրանային ճամբարի բնակիչների անվտանգության ապահովման համար:
Ճամբարի տերն ասաց, որ նախքան հարձակումը բնակիչներին նախազգուշացվել էր մոտակայքում շրջող սպիտակ արջի մասին: «Յոհանն (այդպես էր հանգուցյալի անունը) ասաց, որ ամեն ինչ վերահսկելի է», – հիշում է նա:
Նյութը՝ afisha.ru, թարգմանություն՝ Կարեն Կոլոսով
