Ռուս ծնողների մեծամասնությունը կողմ է դպրոցներում սեռական դաստիարակություն առարկային

Ռուսաստանցիների մոտ 74.7% -ը սատարում է դպրոցներում սեռական դաստիարակության դասերի ներմուծմանը: Սրանք «Доктор рядом» ծառայության անցկացրած հարցման արդյունքներն են:

Հարցմանը մասնակցել են 4200 ռուսաստանցիներ, որոնց մոտ երեք քառորդն ունեն երեխաներ: Հարցվածների 52% -ը տղամարդ է, 48% -ը ` կին: Հարցմանը մասնակցած երկրի քաղաքացիների ավելի քան 60% -ը ապրում է Մոսկվայում և ավելի քան մեկ միլիոն բնակչություն ունեցող այլ քաղաքներում:

41,5% -ը լիովին սատարել է դպրոցներում սեռական կրթության ներդրմանը։ Նրանք աջակցում են այն առարկաների ստեղծմանը, որի ընթացքում դպրոցականներին կպատմեն հակաբեղմնավորիչ մեթոդների, սեռավարակների և մարդու անատոմիայի մասին: 33,2% -ը ավելի շատ կողմ էր նման դասեր ներմուծելուն, քան դեմ:

11,6% -ը մերժել է նման կրթական առարկայի ստեղծումը, իսկ 7,3% -ը միանշանակ դեմ է արտահայտվել ՝ նշելով, որ սեռական դաստիարակությունը պետք է արվի ընտանիքում, այլ ոչ թե դպրոցում: Հարցվածների 6,4% -ը դժվարացել է պատասխանել:

Ուսումնասիրության ընթացքում հարց է բարձրացվել նաև, թե ով պետք է դպրոցականներին ասի հակաբեղմնավորիչների մասին։ Հարցման մասնակիցները կարող էին ընտրել մի քանի պատասխան: Հարցվածների 65% -ը համարել է, որ դա պետք է անեն բժիշկները, 37,1% -ը `դպրոցական հոգեբանները, 15,2% -ը` ծնողները, 11,3% -ը `ուսուցիչները: Հարցվածների 3.3% -ը նշել է, որ սեռական դաստիարակության հարցերը կվստահեն եկեղեցու ներկայացուցիչներին:

Ռուսաստանցիների 47.3% -ը կարծում է, որ երեխայի հետ սեռական դաստիարակությունից արժե խոսել սկսած 11-14 տարեկան հասակից (5-9-րդ դասարաններ): 27.5% -ը կարծում է, որ արժե դա անել ավագ դպրոցում: Հարցվածների 7.3% -ը պատասխանել է, որ կարևոր է սեռական դաստիարակությունը սկսել 4-6 տարեկան հասակում, իսկ հարցման մասնակիցների 9.4% -ը կարծում է, որ դա պետք է արվի ցածր դասարաններում: Հարցվածների միայն 1,9% -ն է ասել, որ նման հարցումներ ընդհանրապես չպետք է իրականացվեն։

Նյութը՝ afisha.ru, թարգմանություն՝ Կարեն Կոլոսով