Դերասան Քևին Սփեյսիին կրկին դատի են տվել բռնաբարության և սեռական ոտնձգությունների համար: Հայցվորները երկու տղամարդ են, որոնցից մեկը ՝ դերասան Էնթոնի Ռեփը, արդեն մեղադրել էր նրան ոտնձգությունների մեջ:
Փաստաթղթերում ասվում է, որ դեպքերը տեղի են ունեցել 1980-ականներին, երբ հայցվորները 14 տարեկան էին: Երկրորդ հայցվորը, որի անունը չի հրապարակվում, ասաց, որ ինքը ծանոթացել է մեղադրյալի հետ, երբ հաճախում էր վերջինիս դերասանի վարպետության դասերին: Սփեյսին իբր նրան հրավիրել է իր տուն, որտեղ էլ բռնաբարել է նրան: Նրա խոսքով ՝ սա մի քանի անգամ կրկնվել է:
Էնթոնի Ռեփը երեք տարի առաջ պատմել էր, որ 1986 թվականին Քևին Սփեյսին փորձել է սեռական հարաբերություններ ունենալ իր հետ: Ի պատասխան Սփեյսին հայտարարել էր, որ ինքը չի հիշում դա, բայց ներողություն խնդրեց այն դեպքում, եթե իսկապես անհարգի պահվածք է ցուցաբերել: Դրանից հետո ավելի քան 30 տղամարդիկ հայտարարեցին, որ դարձել են դերասանի կողմից անցանկալի սեռական գործողությունների զոհ:
Քրեական գործ է հարուցվել մեկ դրվագով: Դերասանը իրեն մեղավոր չի ճանաչել: Անցյալ տարի գործը կարճվեց և Սփեյսին ազատվեց մեղադրանքներից:
Նյութը՝ afisha.ru, թարգմանություն՝ Կարեն Կոլոսով
