ԲՀԿ խմբակցության պատգամավոր Արման Աբովյանը ֆեյսբուքյան իր էջում գրել է․
«Մի մարդ, որը բառի բուն իմաստով ուղղակի պայթեցրել է կրթության, գիտության, սպորտի ոլորտը, իրավունք չունի լինել նախարար։ Մի մարդ, որը վատնում է պետական միջոցները ֆինանսավորելով հիմար և այլասերված ծրագրեր, իրավունք չունի լինել նախարար։
Մի մարդ, որը վախի և սարսափի մեջ պահում է ուսուցիչներին, իրավունք չունի լինել նախարար։
Մի մարդ, որը նույնիսկ չի կարողացել բուհերի ընդունելություն կազմակերպի, իրավունք չունի լինել նախարար։
Մի մարդ, որը հեգնանքով և ձեռ առնելով է վերաբերում Հայոց Եկեղեցուն, չի կարող լինել նախարար։
Մի մարդ, որն զբաղվում է քաղաքական մանիպուլյացիայով, չի կարող լինել նախարար։
Մի մարդ, որը լկտիաբար վիրավորում է մի ամբողջ մարզի բնակիչներին, չի կարող լինել նախարար։
Մի խոսքով, ԿԳՄՍ նախարար Արայիկ Հարությունյանը պետք է հեռանա։ Վերջ»:
