Սիրելի լրագրողներ, հարգելի քաղաքացիներ, քիչ առաջ ՀՀ ԱԺ պատգամավոր Գևորգ Գորգիսյանը ԱԺ-Կառավարություն հարցուպատասխանի ժամանակ հայտարարեց՝ իր բառերով ասած «որոշ լուրերի» համաձայն, Աղբյուր Սերոբ 18 հասցեում տեղի ունեցող շինարարությունը կապ ունի Սուքիասյանների ընտանիքի հետ:
Այդտեղ տեղի ունեցող շինարարության հետ կապված մի կարևոր անճշտություն կա: Կառուցապատող Է. Սուքիասյանը ոչ մի առնչություն չունի Էդուարդ Ալբերտի Սուքիասյանի հետ, Խաչատուր Սուքիասյանի եղբայրը չէ:
Պատգամավոր Գորգիսյանն ինքն իր մանդատը հարգելով պարտավոր էր և ուներ այդ հնարավորությունները՝ ճշտել, թե ով-ով է, և չշահարկեր Սուքիասյանների անունը: Այս մասին ֆեյսբուքյան իր էջում գրել է Խաչատուր Սուքիասյանի մամուլի խոսնակ Աննա Մկրտչյանը:
