«Menu.am»-ի հիմնադիր Վահան Քերոբյանը ֆեյսբուքյան իր էջում գրել է․
Ես ստորագրում եմ
Երկու օր է, ինչ «մարսում եմ» Հայաստանի Վերափոխման Ռազմավարությունը ու կկիսվեմ իմ մտքերով դրա տարբեր կետերի առթիվ՝ դրանց հասունացմանը զուգընթաց։
Բայց հիմա ուզում եմ ասել, որ ընդհանուր գծերով, վեկտորի առումով (ուղղության, երկարության) համաձայն եմ դրա հետ։ Կփորձեմ այս ռազմավարության մեջ ավելացնել “տիեզերական պետություն”, “ֆունդամենտալ գիտություն” արտահայտությունները, ոսկե մեդալների կողքին ավելացնել Նոբելյան մրցանակների երազանքը։
Տարբեր կտորների հետ տարբեր մեծ ու փոքր տարաձայնությունների հետ մեկտեղ, կարող եմ ասել, որ ես ստորագրում եմ այս վերափոխման ռազմավարության տակ ու իմ անձնական վերափոխելու ու վերափոխվելու վեկտորը այսուհետև կճշգրտեմ համապատասխանաբար։
