«Հայրենիք» կուսակցության անդամ Արսեն Բաբայանը ֆեյսբուքյան իր էջում գրել է․
Անհրաժեշտ է գործել հայտարարված ռազմական դրության կանոնների սահմաններում
Երեկ «Հայրենիք» կուսակցության նախագահ Արթուր Վանեցյանի կողմից հնչեցված միտքը, որ Պաշտպանության նախարարության հետ համաձայնեցված կնախաձեռնի հավաք և կմեկնի սահման, մեր համակիրների և կուսակից ընկերների շրջանում մեծ արձագանք է ստացել։ Հարյուրավոր մարդիկ են դիմել մեզ կամավորագրման համար։
Հաշվի առնելով Հայաստանի Հանրապետությունում հայտարարված ռազմական դրությունը և ՀՀ ԶՈւ կողմից իրականացվող զորահավաքը, մեր բոլոր ընկերներներին խնդրում ենք գործել հայտարարված ռազմական դրության կանոնների սահմաններում, պատրաստ սպասել զինվորական կոմիսարիատների կանչերին, այդպիսի կանչի դեպքում անմիջապես ներկայանալ և կատարել ՊՆ-ի կողմից ձեր վրա դրված խնդիրը։ Խնդրում ենք զերծ մնալ ռազմական դրության կանոններից չբխող որոշումներից և գործողություններից։
Բարի ծառայություն, Աստված պահապան մեր զինվորներին
Տեղեկացնենք նաև, որ «Հայրենիք» հիմնադրամը սկսում է առաջին անհրաժեշտության սննդի և պարագաների հավաքագրում, որն առաջիկայում կփոխանցվի ըստ անհրաժեշտության։
