Գիշերը համեմատաբար հանգիստ է անցել, սակայն առավոտյան ռազմական գործողությունները սկսել են սաստկանալ։ Հարավային ուղղությամբ ընթանում են համառ մարտեր։ Այսպիսի հայտարարություններ արեց Արծրուն Հովհաննիսյանը հրավիրված ասուլիսում։

Նա նշեց, որ ադրբեջանական կողմից ապատեղեկատվություն է տարածվում, որ իբր հայաստանյան շրջանների կողմից հրթիռակոծվում են ադրբեջանական նշանակետերը, որը լիովին ապատեղեկատվություն է։ Որպես ապացույց ներկայցվող տեսանյութը չի ապացուցում, որ հրթիռակոծությունը Հայաստանի կողմից է։

Իսկ Ստեփանակերտը հրթիռային հարձակման է ենթարկվում, կիրառվում է «Սմերչ», «Պոլոնեզ», և նմանատիպ այլ հեռահար միջոցներ։ Հովհաննիսյանը հայտնեց, որ հայկական կողմը հակառակորդին հնարավորինս լռեցնում է, սակայն պետք չէ մոռանալ Ադրբեջանի մեծ հնարավորություններով զինանոցի մասին՝ մեր ունեցածից երբեմն մի քանի անգամ ավելի շատ։