« Այս լուսանկարը դարերով մնալու է Հայոց պատմության դասագրքում: Քանի կա Հայոց պետություն, այնքան էլ լինելու է այս լուսանկարը:
Ուսուցիչները պատմելու են, Հայոց աշխարհին 2020 թվականին մեծ վտանգ էր սպառնում, Հայոց աշխարհը կանգնել էր բնաջնջման վտանգի առաջ:
Ուսուցիչները պատմելու են, որ Հայաստանի գերագույն հրամանատար Նիկոլ Փաշինյանն էր ղեկավարում երկիրը և պահում էր պետության ողնաշարը: Պատմելու են, որ սկզբունքային էր, հասցրել էր կարճ ժամանակում զինել բանակն ու հզորացնել այն: Պատմելու են իր մոտեցնումների և տաղանդավոր մտքի մասին:
Պատմելու են Արցախ աշխարհի ղեկավար Արայիկ Հարությունյանի մասին, ասելու են, թե ինչ ուժ էր տալիս նա իր ժողովրդին: Մի ժպիտով ոնց էր ժպիտ տալիս ամբողջ մի ազգի:
Դավիթ Տոնոյանի մասին պատմելու են, թե ոնց էր ղեկավարում մեր բանակի աշխատանքներն ու համակարգում միջազգային համագործակցությունը
Պատմելու են ՕՆԻԿ Գասպարյանի մասին: Ասելու են համեստ էր, ազնիվ էր ու արդար: Գասպարյանի սխրանքները դեռ այդքան էլ չեն երևում, որովհետև հիմա մենք ոչինչ պետք է չիմանանք: Գաղտնիք է:
Իսկ վերջում խոսելու են նաև երիտասարդ զորահրամանատար, հայ ազգի փառապանծ զավակ, Բադարա գյուղից սերված Ջալալ Անատոլիի Հարությունյանի մասին:
Մի քանի դաս է լինելու այս օրերի մասին:
Լուսանկարում պատկերված մարդիկ նոր պատմություն են կերտում, նրանք փոքր Հայաստանը դարձնում են հզոր ու սուվերեն պետություն»,-«Ֆեյսբուք»-ի իր էջում գրում է Արարատնյուզ լրատվականի գլխավոր խմբագիր Հարություն Մկրտչյանը:
