Մարդկային զարգացման միջազգային կենտրոնի գործադիր տնօրեն Թևան Պողոսյանը ֆեյսբուքյան իր էջում գրել է.
Պապական տան միայնակ անցկացրած աղմկոտ արցախյան ամեն գիշերը ինքնադասաժամի է նման։ Եթե սեր ունենայի գրելու հետ, կարելի կլիներ հետո վերհիշել այս գիշերներն ու շարադրել «զրույցներ ինքնաձիգի հետ» խորագրով։ Բայց հիմա ուրիշ բանի ժամանակն է։
Այսօր ես կշարունակեմ շնորհակալություն հայտնել մարդկանց, ովքեր իմ թիմակիցները չեն բառի նեղմիտ իմաստով, բայց իմն են ճակատագրով։ Մարդիկ ովքեր լուռ իրենց գործն են անում հաղթանակի համար ու չեն երևում։ Այսօրվա հերոսներս վարորդներ չեն մասնագիտությամբ, բայց հիմա առանց նրանց այստեղ մի կետից մյուսը հասնելն անհնար կլիներ.
Ագո, Սեգո, Հայկո… բոլորի անունը չեմ կարող նշել, բայց բոլորիդ շնորհակալություն։ Ես ձեր ու բոլոր ձեր նմանների ցավը տանեմ։
Հա, ու էլի կրկնեմ բոլորին այդտեղ՝ Մայր Հայաստանում։ Հիշում եք չէ՞, որ այդտեղ որևէ մեկիդ շշուկով բամբասանքն իսկ իրարից այստեղ լսվում է որպես սիրտ ջարդող բարձր պայթյուն։ Լավ հիշեք դա, սիրելինե՛րս։
Բարի լույս բոլորին։
