Լրագրող Վասակ Դարբինյանը ֆեյսբուքյան իր էջում գրել է.
Զինվորը գնում է պատերազմ իր զավակի համար խաղաղ կյանք ապահովելու կամ իր չծնված զավակի լույս աշխարհ գալու իրավունքը վաստակելու:
Գնում է իր կյանքի գնով ծնողներին վտանգից զերծ պահելու: Իր նախնիների առաջ պարզերես լինելու:
Հայրը գնում է պատերազմ իր որդու թիկունքին կանգնելու, պատրաստ լինելով նրա փոխարեն զոհվելու:
Որդիները գնում են հայրերի հետևից, և հայրերը գնում են որդիների հետևից:
Միմյանց թիկունքը պաշտպանելու, որ գոնե թիկունքից խփող չլինի:
Սա է մեր գոյաբանության, կենսունակության և անկասելի հաղթանակի բանաձևը:
