Բանակցություններում մենք մեր կամքը կթելադրենք. Անդրանիկ Քոչարյան

«Այս պահին էլ հիմնական բոլոր ուղղություններով մենք ծանր մարտերի գնով պահում ենք մեր անվտանգության համակարգը և, ելնելով այդ հաջողություններից ու մեր ժողովրդի կերտած հերոսապատումներից, մեր հավաքական ուժի շնորհիվ բանակցություններում մենք մեր կամքը կթելադրենք»,- խորհրդարանական ճեպազրույցների ժամանակ հայտարարեц ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը:

Անդրադառնալով Ադրբեջանի նախագահի հայտարարությանը, թե պատրաստ է առանց նախապայմանների բանակցություններ սկսել ՀՀ-ի հետ, Քոչարյանն ընդգծեց՝ Ալիևի խոսքերը ներկայացվել են կոնտեքստից կտրված: Ըստ նրա, ամեն դեպքում ՀՀ և Ադրբեջանի ղեկավարների միջև հանդիպում պետք է նախապատրաստվի, և հայկական կողմը պետք է հասկանա՝ ի՞նչ է ուզում Ալիևը և արդյո՞ք Ալիևն է ուզում, թե՞ Էրդողանը։ «Ամեն ինչ խառնվել է իրար: Ոնց որ թե պարոն Իլհամ Ալիևն իր իշխանությունը հանձնել է Էրդողանին, որովհետև միջազգային կառույցներում նա է խոսում իր եղբոր փոխարեն»:

Պատգամավորը շեշտեց՝ բոլոր զարգացումները կապված են մարտի դաշտում զինվորների կերտած հաղթանակների հետ։