«Նիկոլ Փաշինյանի հրաժարականի հարցը շարունակում է մնալ ԲՀԿ-ի օրակարգում, քանի որ մենք վստահ ենք, որ աշխարհի որևէ մի կետում չկա հայ, ով կապիտուլյացիայի փաստաթուղթը ստորագրած վարչապետին կշարունակի ընդունել և կցանկանա, որպեսզի վարչապետը ներկայացնի և առաջնորդի հայ ժողովրդին։ Ինչ վերաբերվում է քայլերին, ապա ինչպես տեսնում եք, բացի փողոցային հանրահավաքային գործիքակազմից, մենք օգտագործում ենք նաև խորհրդարանական գործիքակազմը, որին ցավոք սրտի, ԱԺ խորհրդի նիստին «Իմ քայլը» խմբակցության պատգամավորները չեն մասնակցում և, փաստորեն քվորումի բացակայության պատճառով, չենք կարողանում այդ օրակարգը բերել խորհրդարան, որն է՝ ռազմական դրության չեղարկում, որը այլևս իրավաչափ չէ, երբ նոյեմբերի 10-ին խաղաղապահները մտել են Արցախ և, այնուհետև, վարչապետի հրաժարականի հարցը»,- ճեպազրույցի ընթացքում ասաց Շաքե Իսայանը։
Վերջինիս խոսքով՝ այսօր կրկին ԲՀԿ-ն և «Լուսավոր Հայաստան» խմբակցությունը դիմելու են Ազգային ժողովին՝ նորից նույն օրակարգով արտահերթ նիստ գումարելու համար։
«Պարոն Մելքումյանը փոխանցել է իշխանության ներկայացուցիչներին, որ ռուսաստանյան գործընկերներն առաջարկում են ժամեր անց պատվիրակությունով լինել Հայաստանում և քննարկել տարբեր հարցեր, այդ թվում՝ ռուս խաղաղապահների տեղակայման հարցը։ Այս իշխանություններն այդ ժամանակ, առանց հիմնավորման, մերժել են։ Այնուհետև տեսաք ՌԴ նախագահի հարցազրույցը, որտեղ էլի տարբեր տարբերակների մասին էր ասվում, այնուհետև տեսաք Գլխավոր շտաբի պետ Օնիկ Գասպարյանի հայտարարությունը, որտեղ դարձյալ այս ամենը, մեր ասածը, ևս մեկ անգամ փաստվում է։ Այս իշխանությունները եղել են ոչ կոմպետենտ։ Նիկոլ Փաշինյանը չի տիրապետել իրավիճակին, կամ, տիրապետելով, սպասարկել է որոշ արևմտյան ուժերի։ Եվ ես կարծում եմ, որ, այո՛, Նիկոլ Փաշինյանը, սպասարկելով որոշ ուժերի, դավաճանել է հայի շահը»,- ամփոփեց Շաքե Իսայանը։
Քրիստինե Հովսեփյան
Սույն թվականի հոկտեմբերի 3-ին Իսահակյան 9 հասցեում կայացել է Fastex-ի և WCIT նորարարության և տեխնոլոգիաների համաշխարհային…
Ի պատասխան ՀՀ մարդու իրավունքների պաշտպանի «Երևանի քաղաքապետարանը խախտել է Լվովյան փողոցի բնակիչների իրավունքները»՝ այսօր…
Աշխատանքային այցով Ֆրանսիայում գտնվող վարչապետ Նիկոլ Փաշինյանը Վիլեր Կոտրե քաղաքում` ֆրանսերեն լեզվի նոր միջազգային ավանում,…
ՀՀ ԱԳՆ մամուլի խոսնակ Անի Բադալյանի պատասխանը լրատվամիջոցներից ստացված հարցմանը - Ադրբեջանի նախագահ Ի. Ալիևը…
Իրանի Իսլամական հեղափոխության պահապանների կորպուսի գեներալ Ալի Ֆադավին հայտարարել է, որ եթե Իսրայելը հարձակվի իրենց…
Երևանում այսօր կայացել է Անկախ պետությունների համագործակցության մասնակից պետությունների գլխավոր դատախազների համակարգող խորհրդի 34-րդ նիստը:…