Ազկոմկուսի մի ամբաստանյալ գյալմա սպառնում է, թե «վեռադառնում է ու կռելու է»․ Մեհրաբյան

Քաղաքագետ Ռուբեն Մեհրաբյանը ֆեյսբուքյան իր էջում գրել է․

Երբ քաղաքական գնահատական չես տալիս ռեժիմին, որին ժողովուրդը մերժել է, ու մի փաստաթուղթ էլ չկա, թե ինչի համար է մերժել, երբ պետական համակարգը դատական բարեփոխումներով չես ապահովագրում ռեւանշից եւ պետության բարեփոխումների հետընթացից, ապա Ազկոմկուսի մի ամբաստանյալ գյալմա սպառնում է, թե “վեռադառնում է ու կռելու է”, իսկ Ալիեւի կոմսոմոլի մի կախգլուխ էլ իրեն թույլ է տալու ասել “սրանք”, “սրանց”՝ մի իշխանության հասցեին, որին ընտրել է Քաղաքացին, որին էլ էդ ոչնչությունն իրեն թույլ է տալիս անվանել “հակաղարաբաղյան” ու ստոր շառ անել, թե “ղարաբաղցու դեմ էր”։

Այ թե ինչ է լինում, երբ թույլ են տալիս, որ աներես, անթասիբ ու անհայրենիք հանցագործ խաժամուժը ցուցմունքի փոխարեն “հարցազրույց” տա, ճիշտ ու սխալից դատողություններ անի, ամիսներով հասարակությանը ներվահան անի, անսասան մնացած անսպառ ռեսուրսով ռեւանշ մտմտա իր կակուղ ուղեղում, մտածի, թե էլ ոնց փչացնի ու հարամի էն ամենն, ինչին կեղտոտ ձեռքերով կհասնի, շուռ տված ստոլբի նման շարունակի պառկած մնալ երկրի ճանապարհին․․․

Հազար ասա․․․
Բա մենք սրան էի՞նք արժանի․․․․