«Այո, թուրքերը, այո, ադրբեջանցիները մեր թշնամիներն են»,- այս մասին այսօր խորհրդարանում հարց ու պատասխանի ժամանակ ասաց ՀՀ վարչապետ Նիկոլ Փաշինյանը՝ պատասխանելով հարցին` արդյոք թուրքերը մեր թշնամիներն են:
«Իրենք էլ մեզ են թշնամի համարում, հարցը ուրիշ տեղ է: Լավ, էս թշնամությունը ի՞նչ ենք անելու: Ես հետևյալ միտքն եմ արտահայտում, որ ինչքան մենք ենք համարում թշնամի, այնքան էլ մեզ են համարում: Հարցն այն է՝ մենք ինչ ենք անելու այս թշնամանքի հետ»,- ասաց Փաշինյանը:
Վարչապետի կարծիքով` մենք պետք է կառավարենք թշնամանքը շատ զգույշ, քանզի այս հարցը միակողմանի լուծում չունի:
