ArctX-ը հնարավորություն է տալիս աշխատել հայրենի երկրում եւ խթանել տեղի ՏՏ ոլորտի զարգացումը

Յուրաքանչյուր գործի սկիզբը միշտ էլ բարդ եւ ռիսկային է լինում, սակայն ArctX-ի դեպքում Երեւանում գործունեություն ծավալելու ռիսկերն ու բարդությունը կրկնապատիկ էին։ Դեռեւս 2020թ․-ին ընկերության հիմնադիր եւ գործադիր տնօրեն Ռայան Քանգը որոշեց ընկերության կենտրոնական գրասենյակը Ավստրալիայից տեղափոխել Հայաստան։ Ընկերությունը Երեւան տեղափոխվեց, երբ ոչ միայն Հայաստանում, այլեւ ամբողջ աշխարհում մեծ մարտահրավերներ էին նետվել գրեթե բոլոր ոլորտների մասնագետներին՝ կորոնավիրուսային հիվանդացության իրավիճակով պայմանավորված։ Այսօր արդեն ArctX ծրագրային ՏՏ լուծումների միջազգային մատակարարն իր մեկամյա գործունեությունն է ամփոփում Հայաստանում։

«Սկիզբը բարդ էր։ Եվ չնայած առաջին ամիսներին ծառացած խոչընդոտներին` արդեն մայիս ամսից ArctX-ն  իր առաջին աշխատողներն ունեցավ։ ArctX-ը դարձավ Հայաստանում միակ ընկերությունը, որ ընդամենը մեկ տարում իր աշխատակիցների թիվը հասցրեց 150-ի։ Այդպիսի մեծ ջանքերի եւ թիմային աշխատանքի շնորհիվ նրանք այսօր արդեն տարբեր ծառայությունների մատուցմամբ են զբաղվում՝ հավելվածների ծրագրավորումից մինչեւ մարքեթինգ, դիզայն եւ բրենդինգ»,- մեզ հետ զրույցում պատմում է ընկերության մարդկային ռեսուրսների բաժնի ղեկավար Մարիա Վարդանյանը։

Վերջինս ընդգծում է, որ ArctX-ը, լինելով Սթարթ-ափ, նպատակ է դրել ոչ թե համեմատվել հաջողվածների հետ, այլ առաջ անցնել նրանցից, դառնալ լավագույններից մեկը՝ առաջարկելով նորարարական պրոդուկտներ, որոնք իսկապես կարեւոր են մարդկանց կյանքում։

Խոսելով ArctX-ի՝ Հայաստանում գործունեություն ծավալելու մանրամասների մասին՝ Մարիան ընդգծում է, որ այդ որոշումն ամենեւին էլ պատահական չի եղել․ Հայաստանում IT ոլորտի համար պայմանները բարենպաստ են՝ հայ մասնագետների որակով եւ արագ զարգացող ՏՏ ոլորտով պայմանավորված։

«Հայաստանում շատ են փորձառու եւ բարձր որակավորում ունեցող մասնագետները, որ նախկինում ֆրիլանս աշխատում էին միջազգային մի շարք այլ ընկերություններում։ ArctX-ը հնարավորություն է տալիս աշխատել հայրենի երկրում եւ խթանել տեղի ՏՏ ոլորտի զարգացումը»,- նշում է նա։

Մարիան հիշում է, որ երբ թվում էր՝ այլեւս բոլոր խոչընդոտներն անցյալում են, եւ ժամանակն է նոր բարձունքներ եւ նպատակներ սահմանելու, մի նոր դժվարին եւ բարդ փուլ սկսվեց ընկերության համար․ սեպտեմբերին սկսվեց պատերազմը, որ նոր մարտահրավեր նետեց ընկերությանը։

«Մեկ տարում այնպիսի իրադարձություններ եղան, որ երեւի թե մեկ այլ ընկերություն չկարողանար ծավալել իր գործունեությունը նման պայմաններում։ Հանգամանքները մեր դեմ էին, բայց մենք կարողացանք հաղթահարել այդ ճգնաժամը։ Պատերազմի ժամանակ մեր աշխատակիցներից շատերը կամավորագրվեցին եւ ռազմաճակատ մեկնեցին։ Ընկերությունը նրանց աջակցում էր ե՛ւ ֆինանսապես, ե՛ւ հոգեպես։ Այդ դժվարին իրավիճակում ArctX-ը կարողացավ ոչ միայն դուրս գալ ճգնաժամից, այլեւ սահմանել նպատակներ եւ հստակ քայլերով շարժվել առաջ»,- նշում է նա։

Ավելին՝ այստեղ