Քսենիա Սոբչակը վթարի է ենթարկվել. կան զոհեր

Սոչիում երկու մեքենաները բախվել են իրար: Երկու մարդ զոհվել է: Սոբչակը ուղեղի ցնցում  և վնասվածք ունի:

Հոկտեմբերի 9-ի երեկոյան հեռուստահաղորդավարուհի Քսենիա Սոբչակի ավտոմեքենան մահացու վթարի ենթարկվեց Սոչիում: Այդ մասին հայտնում է «Ինտերֆաքս»-ը:Նախնական տվյալներով՝ Mercedes և Volkswagen ավտոմեքենաների ճակատային բախում տեղի է ունեցել Ադլեր և Կրասնայա Պոլյանա մայրուղիներում: Վթարի հետեւանքով Volkswagen-ի երկու ուղևոր մահացել է, վթարի պահին այս մեքենայում եղել է երեք մարդ:

Հաղորդվում է, որ մեքենայով ընթացող կինը տեղում մահացել է, երկրորդ ուղևորը մահացել է հիվանդանոցում, երրորդի վիճակը ծանր է:

Սոբչակը հաջորդ օրն իր Telegram ալիքում մեկնաբանել է Սոչիում տեղի ունեցած վթարը: Նրա խոսքով, նա վերջերս գիտակցության է եկել, նա «ուղեղի ցնցում և բազմաթիվ վնասվածքներ ունի»: Հեռուստահաղորդավարուհին նշել է, որ իր թիմը իր հետ ճանապարհորդում էր մեքենայով:

«Ինձ սարսափեցնում և ցնցում է այն փաստը, որ մարդիկ մահացել են, մենք կկապվենք նրանց հարազատների հետ», – ասում է Սոբչակը: – Ուղեղի ցնցում ունեմ: Օգնականս նույնպես: Բախումից հետո ես կորցրեցի գիտակցությունս, այնուհետև օգնականս ինձ տեղափոխեց այլ մեքենա»:

«Ինձ առաջարկեցին հոսպիտալացում Սոչիում: Բայց ես ուզում էի գնալ որդուս մոտ և տուն, ուստի դուրս եկա: Այսօր հետազոտության եմ, քանի որ կան ներքին օրգանների վնասվածքներ և ուղեղի ցնցում», – հավելեց Սոբչակը:

Ըստ հաղորդավարուհու՝ իր օգնականն անմիջապես շտապօգնություն է կանչել և գնացել տեսնելու, թե կարո՞ղ են ինչ-որ բան անել, որպեսզի օգնեն մարդկանց, բայց «ուրիշներն արդեն դա անում էին»: