Շվեդական ABBA խումբը ուրբաթ երեկոյան թողարկել է նոր Voyage ձայնասկավառակը, որը դարձել է առաջինը 1980-ականների սկզբից, հայտնում են խմբի պաշտոնական կայքում։
Ալբոմը պարունակում է 10 երգ, դրանք արդեն հասանելի են երաժշտական ինտերնետ ծառայություններում, ինչպես նաեւ CD-սկավառակների տեսքով։ Ինչպես նշում է Guardian հրատարակությունը, ալբոմն իր մեջ ներառում է կելտական բանահյուսության փորձարկումներ, անդրադառնում է կլիմայի փոփոխության թեմային եւ ավարտվում Չայկովսկու վալսի մեղեդին պարունակող կոմպոզիցիայով։
Արտիստները պատրաստվում են 2022 թվականի մայիսին կայանալիք համերգին, որն ասում են՝ հեղափոխական է լինելու։ Սպասվում է, որ դա կլինի հոլոգրաֆիկ շոու. բեմում «երգելու» են ABBA-ի անդամների վիրտուալ պատկերները՝ 10 իրական երաժիշտների ուղեկցությամբ։ Համերգին կկարողանա ներկա գտնվել 3 հազար հանդիսատես։
