Շուտով ճանապարհային ոստիկանության էլեկտրոնային հասցեն անհասանելի կդառնա

Մի քանի օրից ճանապարհային ոստիկանություն էլեկտրոնային հասցեն անհասանելի կդառնա:

Հաշվի առնելով ՀՀ կառավարության 2015 թվականի հոկտեմբերի 15-ի թիվ 1204-Ն որոշմամբ հաստատված 1-ին հավելվածով «Էլեկտրոնային հարցումների միասնական հարթակի» գործարկման պահանջները՝ ՀՀ ճանապարհային ոստիկանությունից տեղեկացնում են, որ 2021 թվականի նոյեմբերի 29 ից ձեր կողմից ճանապարհային ոստիկանություն ներկայացվող դիմումները, գանգատները (բողոքները) կամ հարցումները էլեկտրոնային եղանակով ճանապարհային ոստիկանություն կարող են ներկայացվել «Էլեկտրոնային հարցումների միասնական հարթակի» (e-request.am կայքի) միջոցով։

Միաժամանակ հայտնում են, որ 2021 թվականի նոյեմբերի 29-ից ճանապարհային ոստիկանություն info@roadpolice.am էլեկտրոնային հասցեն անհասանելի է լինելու ներկայացվող դիմումների, գանգատների (բողոքների) կամ հարցումների համար։