Էրդողանը անընդունելի է համարել Ռուսաստանի գործողությունը

Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիան չի ընդունում և մերժում է Ռուսաստանի` այսօր վաղ առավոտյան Ուկրաինայի դեմ սկսած գործողությունը։

«Միջազգային իրավունքի այս խախտումը ծանր հարված է տարածաշրջանի խաղաղությանն ու կայունությանը։ Թուրքիան աջակցում է Ուկրաինայի` իր տարածքային ամբողջականությունը պահպանելու համար պայքարին, դա ասացի նաև քիչ առաջ Զելենսկու հետ ունեցած զրույցում»,–հայտարարել է Էրդողանը։

Էրդողանը հավելել է, որ Թուրքիան կոչ է անում կողմերին խնդիրը լուծել Մինսկի համաձայնությունների շրջանակներում երկխոսելով։ Ըստ նրա, Թուրքիան անելու է ամեն ինչ Ուկրաինայում ապրողների, այդ թվում` թուրք քաղաքացիների ու թաթարների կյանքի անվտանգությունն ապահովելու նպատակով։Նշենք, որ Անվտանգության խորհրդի նիստը Թուրքիայում տևել է 1 ժամ 45 րոպե։

Ինչպես արդեն տեղեկացրել ենք, Անվտանգության խորհրդի նիստից անմիջապես հետո Էրդողանը հեռախոսազրույց էր ունեցել Ուկրաինայի նախագահ Վլադիմիր Զելենսկու հետ։

Վլադիմիր Պուտինը փետրվարի 24–ին հայտարարեց, որ որոշում է կայացրել Դոնբասում հատուկ ռազմական գործողության մասին։

Հիշեցնենք` Վլադիմիր Պուտինը փետրվարի 24–ին հայտարարեց, որ որոշում է կայացրել Դոնբասում հատուկ ռազմական գործողության մասին։