Թուրքիայի Մեջլիսի պատգամավոր Օզթյուրք Յըլմազը հայտարարել է, որ եթե Թուրքիան Ռուսաստանից գնված S-400 ՀՕՊ համակարգերը գործարկի, ապա ԱՄՆ-ն կարող է ճանաչել Հայոց Ցեղասպանությունը։
«Ես կարծում եմ, եթե S-400-ները գործարկվեն 2020թ.-ի ապրիլին, ապա նույն ամսին կոնգրեսում կընդունվի Հայոց Ցեղասպանությունը։ Այդ ժամկետը ճիշտ չի ընտրված։ Ինչո՞ւ եք այդքան սպասում։ Կարևոր է, որ 2020թ-ի գործընթացի շրջանակներում արձագանքները հանդարտեցվել և օրակարգը փոխվի։ Ձեր կողմից նշված S-400-ների գործարկման ժամկետում մեծ է հավանականությունը, որ Հայոց ցեղասպանության բանաձև բերվի կոնգրեսի օրակարգ և ընդունվի։ Ես չգիտեմ, թե Թուրքիայի նախագահը ինչու հայտարարեց հենց այդ ժամկետի մասին։ Այդ ժամկետը պետք է առաջ բերվի»,-Ermenihaber-ի փոխանցմամբ, ասել է պատգամավորը։
