Ռուսական և ուկրաինական պատվիրակությունները կհանդիպեն Բելառուսի սահմանին

Ռուսաստանի և Ուկրաինայի միջև բանակցությունները, այնուամենայնիվ, տեղի կունենան։ Այս մասին հայտնել է Վլադիմիր Զելենսկու գրասենյակը։ Ահա թե ինչ է ասվում հայտարարության մեջ։

«Ալեքսանդր Լուկաշենկոն զանգահարել է Վլադիմիր Զելենսկիին: Քաղաքական գործիչները պայմանավորվել են, որ ուկրաինական պատվիրակությունը առանց նախապայմանների կհանդիպի ռուսական պատվիրակության հետ ուկրաինա-բելառուսական սահմանին՝ Պրիպյատ գետի մոտ: Ալեքսանդր Լուկաշենկոն պատասխանատվություն է կրել այն փաստի համար, որ ուկրաինական պատվիրակության ճանապարհորդության, բանակցությունների և վերադարձի ժամանակ Բելառուսի տարածքում տեղակայված բոլոր ինքնաթիռները, ուղղաթիռներն ու հրթիռները կմնան տեղում»։

Ավելի վաղ Մինսկում հայտարարվել էր, որ ուկրաինական պատվիրակությունը մեկնում է Գոմել՝ ռուսական կողմի հետ բանակցությունների։

Այն, որ բանակցությունները տեղի կունենան, հայտարարել է նաեւ ռուսական պատվիրակության ղեկավար Վլադիմիր Մեդինսկին։