Sensor 3-օրյա փառատոնի ծրագիրը կներառի աշխարհի լավագույն կատարողական և ինստալացիոն արվեստի գործեր:

Աշխարհի տարբեր երկրներից ժամանած վիզուալ արտիստները Sensor Festival 2022-ի հատուկ զոնաներում կցուցադրեն թվային և լուսային ինստալյացիաներ, քանդակներ ու տեղային արվեստի նմուշներ:

Sensor Festival 2022

Սեպտ. 10–12

Ավստրիացի Պիտեր Կուտինը, իտալացի նկարիչ Ֆրանչեսկո Տոսինին, լեգենդար The Necks-ի անդամ, ավստրալացի պերֆորմատիվ արտիստ Թոնի Բաքը և հայտնի Sila Sveta վիզուալ ստուդիան Sensor-ի ընթացքում «կլուսավորեն» Արագած լեռը:

Art Basis երևանյան արվեստի հարթակը կբացի Control Mode խորագրով ցուցահանդեսը, որի կուրատորներն են Թերեզա Դավթյանը և Լիլիթ Անտոնյանը:

Վիեննայում բնակվող նկարիչ Պիտեր Կուտինը, ով աշխատում է տարբեր ժանրերի ձայնի հետ, կներկայացնի Prix Ars-Electronica մրցանակի արժանացած Torso-ն՝ օբյեկտ, որը կինետիկ ձայնային և լուսային քանդակ է՝ ոգեշնչված փիլիսոփա Փոլ Վիրիլիոյի գաղափարներից:

Ֆրանչեսկո Տոսինին կներկայացնի Cielofuturo աուդիո-վիզուալ ինստալացիոն արվեստի գործը, որի պրեմիերան կայացել է 2022 թվականին. այն բազմաշերտ գեներատիվ համակարգ է, որը վերարտադրում է բնության մեջ գոյություն ունեցող մորֆոգենետիկ գործընթացները: Իտալացի նկարիչն այս գործով ուսումնասիրում է մարդկային որոշումների կայացման բնույթը՝ վերագնահատելով ինտուիցիայի և տրամաբանության հավասարակշռությունը:

Sensor-ի արվեստի տարածքներից մեկում տեղի կունենա ավստրալացի հայտնի թմբկահար, The Necks իկոնիկ խմբի անդամ Թոնի Բաքի 5 ժամ տևողությամբ Unearth կենդանի կատարումը:

Չինաստանից բազմաժանր նկարիչ DALeast-ը պատրաստվում է իմպրովիզացնել իր ստեղծագործություններից մեկը փառատոնի տարածքում: DALeast-ը բոլորի աչքի առաջ նկարում է ժամանակի և տարածության ֆրագմենտներ կտավի կամ թղթի վրա: Նա գույները վերածում է տարածության, տարածությունները՝ շարժման. կյանք է տալիս մեր կառուցած մոխրագույն բետոնե աշտարակներին…

Artem Stefanov-ը, ով Մոսկվայի սթրիթ արտի գուրուներից է, հայտնի է իր հսկա որմնանկարներով, որոնք նշանավորել են բազմաթիվ անդրգրաունդ երաժշտության միջոցառումներ, ​​կներկայանա տեղային արվեստի գործով: Նրա սաունդ կոլեգան՝ բազմաժանր արտիստ vtol-ը, կստեղծի Lo-Fi Star անունով աուդիո ինստալացիա:

Մաշա Բոգորազը, ով իր գրոտեսկային ստեղծագործություններով մատնանշում է իրական կյանքի որոշ կողմերը, փառատոնին կմասնակցի ինտերակտիվ ինստալացիայով և հեղինակային կենդանի քանդակների հավաքածուով։

Sensor-ի Տոմսերը կարող եք ձեռք բերել sensorfestival.org/ կայքում

3-օրյա փառատոնը տեղի կունենա Հայաստանի Արագած լեռան վրա՝ Հերունու ռադիոօպտիկական աստղադիտարանի շենքում։ Փառատոնի չորս բեմերը կշրջապատեն 54 մետրանոց աստղադիտակը, որը կրում է 1980-ականներին դրա կառուցումը գլխավորած հայ գիտնական Պարիս Հերունու անունը: