ԱՄՆ նախագահի թեկնածու Դոնալդ Թրամփը Իսրայելաամերիկյան խորհրդի գագաթնաժողովում ասել է, որ եթե հրեա ընտրողները քվեարկեն իր հակառակորդ Քամալա Հարիսի օգտին, Իսրայելը կկործանվի։

Հանրապետականը նաև խոստացել է արգելել որոշ մահմեդական երկրներից, այդ թվում՝ Գազայի հատվածից մարդկանց մուտքն ԱՄՆ։

Թրամփի խոսքերը մեջբերում է Bloomberg-ը։ Միաժամանակ, նախագահի թեկնածուն Իսրայել պետության գոյությունը կապել է առաջիկա ընտրությունների արդյունքների հետ.

«Եթե ես չհաղթեմ, կարծում եմ, որ Իսրայելը կդադարի գոյություն ունենալ»։

Ըստ Bloomberg-ի՝ չնայած Թրամփի՝ հրեաներին և Իսրայելին աջակցելու մասին հայտարարություններին, գրանցված հրեա ընտրողների միայն 34%-ն է աջակցում նրան, մինչդեռ Քամալա Հարիսին՝ 65%-ը։