Դեկտեմբերի 12-ին ՀՀ պաշտպանության նախարար Սուրեն Պապիկյանն ընդունել է ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիին: Հանդիպման ընթացքում քննարկվել են պաշտպանության բնագավառում Հայաստան-Ֆրանսիա համագործակցության օրակարգային հարցերն ու առաջիկա անելիքները: Կարծիքներ են փոխանակվել տարածաշրջանային և միջազգային վերջին զարգացումների շուրջ:

ՀՀ ԱԱԾ-ն տվյալներ է ստացել դեկտեմբերի 11-ին՝ ժամը 03:20-ի սահմաններում, Հայաստանի Հանրապետության և Թուրքիայի Հանրապետության պետական սահմանի Արարատի մարզի Ռանչպար բնակավայրի հատվածում ՀՀ պետական սահմանի ապօրինի հատման հավանական փորձի վերաբերյալ։ «Այն ստուգելու կապակցությամբ իրականացվում են անհրաժեշտ օպերատիվ-հետախուզական միջոցառումներ»,- ասվում է հաղորդագրությունում:

Time ամսագիրը «Տարվա մարդ» է ճանաչվել ԱՄՆ նորընտիր նախագահ Դոնալդ Թրամփին։ ԱՄՆ նախագահական ընտրություններում Թրամփի հաղթանակը կարելի է պատմական անվանել, գրել է պարբերականը՝ հավելելով, որ նա կդառնա երկրի պատմության ամենատարեց նախագահը և ԱՄՆ միակ ղեկավարը, ով մեղավոր է ճանաչվել քրեական գործով։ Հիշեցնենք՝ Թրամփն այդ տիտղոսին արժանացել էր նաև 2016 թվականին։

Բազմաթիվ ուկրաինական լրատվամիջոցներ, այդ թվում՝ Suspilne-ը , RBC-Ukraine-ն և UNIAN-ը , դեկտեմբերի 12-ին հայտնել են, որ, ըստ աղբյուրների, սպանվել է գլխավոր դիզայների տեղակալ, Մարսի նախագծային բյուրոյի ծրագրային ապահովման բաժնի ղեկավար Միխայիլ Շացկին։ Ուկրաինայի հատուկ ծառայությունների և Պաշտպանության բանակի ԶԼՄ-ների աղբյուրների համաձայն՝ Շացկին սպանվել է Մոսկվայի մարզի Կոտելնիկի քաղաքի մոտ գտնվող Կուզմինսկի անտառային պուրակում։ «Սա Ուկրաինայի […]

Հնդիկ գրոսմայստեր Գուկեշ Դոմմարաջուն նվաճել է շախմատի աշխարհի չեմպիոնի կոչումը։ Սինգապուրում կայացած շախմատի աշխարհի առաջնությանը նա 14‑րդ պարտիայում հաղթել է չինացի Դին Լիրենին: Պարտիան, որում Դոմմարաջուն խաղում էր սև խաղաքարերով, ավարտվեց 58‑րդ քայլից հետո: Մրցաշարի վերջնահաշիվը 7,5: 6,5 է՝ Դոմմարաջուի օգտին: Հնդիկ գրոսմայստերը 18 տարեկան է և դարձել է դասական շախմատի աշխարհի ամենաերիտասարդ չեմպիոնը: Դոմմարաջուն […]

Գործադիրն ընդունել է «Գույքի նվիրատվությունն ընդունելու և գույք ամրացնելու մասին» որոշումներ՝ մանկապարտեզ և դպրոց կառուցելու նպատակով: Այսպիսով՝ մանկապարտեզներ կկառուցվեն Լոռու մարզի Սպիտակ համայնքում, Արմավիրի մարզի Արմավիր համայնքի գյուղ Նորավանում, գյուղ Լենուղիում, Տավուշի մարզի Նոյեմբերյան համայնքում, Գեղարքունիքի մարզի Մարտունի համայնքի Աստղաձոր բնակավայրում, դպրոց կկառուցվի Արմավիրի մարզի Խոյ համայնքում:

Սան Ֆրանցիսկոյում դեկտեմբերի 11-ին կայացել է Սփյուռքի համաշխարհային համաժողովը, որը նվիրված էր Հայաստանի եւ Հնդկաստանի տնտեսական, ինչպես նաեւ սփյուռքում համագործակցության նոր ուղիների բացահայտմանը: Այն համախմբել էր տարբեր ոլորտների ներկայացուցիչների՝ ձեռներեցների, բարձր տեխնոլոգիական ընկերությունների ղեկավարների, տուրիզմի, կինեմատոգրաֆիայի եւ այլ ոլորտների ներկայացուցիչների, ինչպես նաեւ ամերիկահայ եւ հնդկական սփյուռքի ազդեցիկ գործիչների: Համաժողովը կազմակերպվել էր «Դիտորդ հետազոտական հիմնադրամի» (ORF/Observer […]