Անցած գիշեր Խորվաթիայի մայրաքաղաք Զագրեբի թաղամասերից մեկում անհայտ օբյեկտ է ընկել, ինչից հետո հզոր պայթյուն է գրանցվել։ Հանրապետության ՆԳՆ մամուլի ծառայությունը հայտնում է, որ տարածքը շրջափակվել է, տեղում աշխատում են մասնագետները։
Պաշտոնական տվյալներով` դեպքը տեղի է ունեցել ժամը 23.00-ին (Երևանի ժամանակով` 02.00-ին)։ Զագրեբի ոստիկանության բաժինը քաղաքացիներից մի քանի ահազանգ է ստացել պայթյունի մասին։
Հաղորդագրության մեջ նշված է, որ պայթյունի տեղում առաջացած փոսի մոտ նաև երկու պարաշյուտ է հայտնաբերվել։
Պայթյունի հետևանքով մեքենաներ են վնասվել, տուժածներ չկան։Ոստիկանությունը լրատվամիջոցներին հորդորում է չճշտված տեղեկություն չտարածել։
