Արևմտյան արտիստների նոր երգերը դադարել են հայտնվել Yandex-ի և VKontakte-ի հոսքային ծառայություններում

Ռուսական Yandex.Music և VK Music երաժշտական ​​ծառայությունները չեն կարող իրենց գրադարաններում ավելացնել արևմտյան արտիստների թարմ թողարկումները, գրում է РБК-ն։

Yandex-ի և VKontakte-ի մամուլի ծառայությունը հայտնել է, որ օտարերկրյա հեղինակային իրավունքի սեփականատերերի նոր բովանդակությունը «առայժմ սահմանափակ է» և «ժամանակավորապես չի թողարկվի» Ռուսաստանում, սակայն մինչև անցյալ շաբաթ վերբեռնված կատալոգները մնում են հասանելի։

Թե որ թողարկումներն են հիմա անհասանելի, ընկերությունները չեն նշել:

Անցյալ շաբաթ աշխարհի երեք ամենամեծ ձայնագրման լեյբլները՝ Universal Music-ը, Warner Music-ը և Sony Music-ը, հայտարարեցին, որ դադարեցնում են իրենց գործունեությունը Ռուսաստանում՝ Ուկրաինայի պատերազմի պատճառով։

Բազմաթիվ արտասահմանցի արտիստներ սկսել են չեղարկել Ռուսաստանում նախատեսված ելույթները: Pink Floyd-ը և նրա առաջնորդ Դևիդ Գիլմուրը հայտարարել են, որ կհեռացնեն 1987 թվականից ի վեր թողարկված իրենց բոլոր երգերը Ռուսաստանի և Բելառուսի թվային երաժշտական ​​հարթակներից:

Աղբյուրը՝ Meduza-ի։