Փաշինյանի ադեկվատ գնահատականը | Ս. Սուրենյանց

«Փաշինյանի ադեկվատ գնահատականը

Նիկոլ Փաշինյանը, կառավարության այսօրվա նիստում, բավականին կոշտ ու ադեկվատ գնահատական է տվել Արցախի հանդեպ Ադրբեջանի գործողություններին, մասնավորապես` գազամատակարարման ընդհատմանը։

«Ադրբեջանն իր գործողություններով նաև ծառայություն է մատուցում Արցախի ժողովրդին, որովհետև գազատարի հետ կապված այս դրվագը միջազգային հանրության համար շատ դիպուկ և համառոտ նկարագրություն է Արցախի հիմնախնդրի։ Սա անառարկելիորեն ի ցույց է դնում Ադրբեջանի քաղաքականությունն արցախահայության նկատմամբ, այն է՝ անհնար դարձնել նրանց ապրելը սեփական հայրենիքում»,- ասել է Փաշինյանը։

Սա արձանագրեմ` անկախ իշխանության հանդեպ իմ ընդդիմադիր դիրքավորումից։Պետք է խրախուսել իշխանության դրական կեցվածքը՝ անկախ քաղաքական տարակարծություններից…»,- գրել է «Դեմոկրատական այլընտրանք» կուսակցության ղեկավար Սուրեն Սուրենյանցը։