Մակրոնը կաջակցի ՌԴ-ի դեմ նոր պատժամիջոցներին

Ֆրանսիայի նախագահ Էմանուել Մակրոնը հայտարարել է, որ աջակցում է Ռուսաստանի դեմ նոր պատժամիջոցներին։

Նա թույլ է տվել պատժամիջոցների  նոր փաթեթ մտցնել Ռուսաստանի դեմ  Ուկրաինայի Բուչա քաղաքում ստեղծված իրավիճակի պատճառով։ Մակրոնի խոսքով՝ Եվրամիությունը կարող է առաջ շարժվել ռուսական նավթի և ածխի մատակարարման վրա էմբարգո սահմանելու հարցի քննարկման հարցում։

Ռուսական իշխանությունը պետք է պատասխան տա իր կատարած ահանցագործությունների համար: Իր թվիթերյան էջում նման գրառմամբ է արձագանքել Ֆրանսիայի նախագահ Էմանուել Մակրոնն Ուկրաինայի Բուչա քաղաքի վերաբերյալ տարածված տեղեկությանը։

Մակրոնը միաժամանակ համերաշխություն է հայտնել Ուկրաինային:

«Լուսանկարները, որոնք մենք ստացել ենք Կիևի մերձակայքում գտնվող ազատագրված Բուչայից, անտանելի են։ Հարյուրավոր խաղաղ բնակիչներ դաժանաբար սպանվել են փողոցներում։ Ես իմ ցավակցությունն եմ հայտնում զոհերին և համերաշխությունս եմ հայտնում Ուկրաինային։

Ռուսական իշխանությունները պետք է պատասխան տան այս հանցագործությունների համար»,- գրել է Մակրոնը։

Քաղաքական գործիչը հավելել է, որ եվրոպական մակարդակով Ռուսաստանի Դաշնության դեմ նոր սահմանափակումների քննարկումը պետք է տեղի ունենա մոտ օրերս։