Կովկասի բնության հիմնադրամը 95 հազար 500 եվրո է տրամադրել «Դիլիջան» ազգային պարկին

Կովկասի բնության հիմնադրամը 95 հազար 500 եվրո է տրամադրել ՀՀ շրջակա միջավայրի նախարարության «Դիլիջան» ազգային պարկին: Հիմնադրամից հայտնում են, որ դա այս տարվա առաջին գումարային փոխանցումն է: 

Բնության հատուկ պահպանվող տարածքին հատկացված գումարն անհրաժեշտ է կառույցի արդյունավետ գործունեությանն ուղղված ընթացիկ ծախսերի ֆինանսավորման համար։

Հիմնադրամի հաղորդագրությունում նշված է, որ առաջին գումարային օժանդակություն է հատկացվել նաև «Զանգեզուր» կենսոլորտային համալիրին (142 հազար 500 եվրո) և «Արփի լիճ» ազգային պարկին (34 հազար եվրո)։