Մխիթարյանը կլինի երիտասարդացող «Ինտերի» միակ բացառությունը

«Ինտերի» սեփականատերերը պատրաստ են թույլ տալ ակումբի ղեկավարությանը՝ նոր պայմանագիր առաջարկել Հենրիխ Մխիթարյանին։

Ըստ իտալական հեղինակավոր «Corriere dello Sport»-ի՝ ակումբի սեփականատեր հանդիսացող «Օաքթրի» ամերիկյան հիմնադրամը պատրաստ է բացառություն անել։

Հրապարակման մեջ ասվում է, որ ընկերությունը ակումբի առաջ խնդիր է դրել երիտասարդացնել կազմը և ավելի շատ երիտասարդ ֆուտբոլիստներ ներգրավել։ Այս քաղաքակնության մեջ միակ բացառությունը կարող է արվել հենց Մխիթարյանի դեպքում։

Այնպիսի խաղացողներ, ինչպիսիք են Մատեո Դարմիանը, Ֆրանչեսկո Աչերբին, Յան Զոմմերը և Ստեֆան դե Վրեյը, հավանաբար, կհեռանան «Սան Սիրոյից»։

Հենրիխ Մխիթարյանի ներկայիս պայմանագրի ժամկետը լրանալուն մնացել է վեց ամսից էլ պակաս ժամանակահատված, և ակումբը կփորձեի նրան պահել ևս մեկ տարի ժամկետով, սակայն ավելի համեստ աշխատավարձով։