Ժամանակին շոու բիզնեսի աստղերը վախենում էին ծպտուն հանել, եկեղեցականները վախենում էին քիթը, մարտի 1-ից սկսած, սև քողերի տակից հանել:
Այս մասին այսօր Ազգային ժողովում ասաց ՀՀ ԱԺ նախագահ Ալեն Սիմոնյանը՝ շարունակելով «Քաղաքացիական պայմանագիր» խմբակցության պատգամավոր Վիգեն Խաչատրյանի ելույթը, որը խոսում էր այն մասին, որ «Թալանչիները ոտքի են կանգնել․ օրինական դաշտում լուրջ անելիքներ ունենք: Մենք չունենք ընդդիմություն, մենք ունենք ռևանշիստներ: Վերջիններս լկտիացել են, որովհետև իրենց անցյալում սպասարկող որոշ ուժային կառույցներ շարունակում են սպասարկել, գործարար աշխարհին պատկանող մեքենաներ են դուրս գալիս և փողոցներ փակում»:
Ալեն Սիմոնյանը Խաչատրյանի ելույթին արձագանքելով՝ ասաց.
«Մենք ենք մեղավոր, որ այդ ընկերությունները մերը չեն, որ այդ ընկերությունները չեն վախենում իրենց քաղաքական դիրքորոշումը արտահայտեն: Մենք ենք մեղավոր: Ոչինչ, ես վստահ եմ, որ հետևություններ կարվեն, և բոլոր խավերը նույնպես այդ հետևություններին շատ մոտիկից կծանոթանան»,- նշեց ԱԺ նախագահը:
Նշենք, որ ընդդիմության վերջին օրերի հանրահավաքներին մասնակցում են շոու բիզնեսի ներկայացուցիչներ, հանդես գալիս համերգային ելույթներով: Իսկ մայիսի 1-ին տեղի ունեցած հանրահավաքին Մայր Աթոռը պաշտոնապես հայտարարել էր, որ հոգևորականները մասնակցելու են՝ դա ներկայացնելով որպես հնարավոր լարվածությունները մեղմելու և հանդարտության մթնոլորտի պահպանմանը նպաստելու քայլ:
Հոկտեմբերի 7-ին ՀՀ ՆԳՆ ոստիկանության Աշտարակի բաժնից ստացվել է հաղորդում առ այն, որ նույն օրը,…
Հոկտեմբերի 11-ին ՌԴ նախագահ Վլադիմիր Պուտինը կայցելի Թուրքմենստան, հայտնում է ՌԴ նախագահի օգնական Յուրի Ուշակովը։…
ՀՀ արդարադատության նախկին նախարար Գրիգոր Մինասյանը վերադարձել է «AM» իրավաբանական ընկերություն: Նա ընկերության բաժնետերերի կողմից…
Հոկտեմբերի 7-ին՝ ԱՊՀ երկրների ղեկավարների նիստին ընդառաջ, Մոսկվայում ՀՀ արտաքին գործերի նախարար Արարատ Միրզոյանը մասնակցել…
Գերմանիայի Դաշնային Հանրապետություն կատարած աշխատանքային այցի ընթացքում Հանրապետության նախագահ Վահագն Խաչատուրյանը մասնակցել է Համբուրգի կայունության…
Թուրքիայի նախագահ Ռեջեբ Թայիբ Էրդողանն այսօր հեռախոսազրույց է ունեցել ՌԴ նախագահ Վլադիմիր Պուտինի հետ։ Կրեմլի…