ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն այսօր ընդունել է Սերբիայի շախմատի ֆեդերացիայի գլխավոր քարտուղար Անդրիյա Յորգիչին:
Սերբական պատվիրակության կազմում էին Սերբիայի հայ ազգային համայնքի նախագահ Բիլիանա Օբրադովիչը, Սերբիայի Ռազմավարական վերլուծությունների կենտրոնի ծրագրի ղեկավար Դարկո Օբրադովիչը և «Borba» ամսագրի խմբագիր Լիլիանա Ստոյանովիչը: Այս մասին հայտնում են ՀՀ ԿԳՄՍ նախարարության հասարակայնության հետ կապերի և տեղեկատվության վարչությունից։
Հանդիպմանը ներկա է եղել նաև ԿԳՄՍՆ արտաքին կապերի և սփյուռքի վարչության պետ Արկադի Պապոյանը:
ԿԳՄՍ նախարարի տեղակալ Կարեն Գիլոյանը, ողջունելով հյուրերին, հայ-սերբական մարզական հարաբերություններն իր լիազորությունների շրջանակում ամրապնդելու պատրաստակամություն է հայտնել:
Սերբիայի շախմատի ֆեդերացիայի գլխավոր քարտուղար Անդրիյա Յորգիչը, շնորհակալություն հայտնելով ընդունելության համար, նշել է՝ առաջին անգամ է Հայաստանում և մեծ տպավորություններ ունի, իսկ մեր երկիր է ժամանել հատուկ առաքելությամբ. «Գիտենք, որ Հայաստանում շախմատը դասավանդվում է դպրոցում, ու կցանկանայինք այդ օրինակը կիրառել նաև մեր երկրում: Հայաստանը շախմատային մեծ պատմություն և ավանդույթներ ունեցող երկիր է, ու մենք շատ ուրախ կլինենք ձեզ հետ համագործակցության համար: Իմ առաքելությունն է ուսումնասիրել Հայաստանում շախմատի ուսուցման մեթոդաբանությունը և աշխատել այդ փորձը Սերբիայում ևս կիրառելու ուղղությամբ»:
Փաստելով, որ բարեկամների հետ պատրաստ ենք կիսվել մեր փորձով, Կարեն Գիլոյանը նշել է. «Հանրակրթական դպրոցներում շախմատ առարկայի դասավանդումը, անկասկած, իր դրական ազդեցությունն է ունեցել մարզաձևի մասսայականացման վրա: Կարող ենք հնարավորություն տալ ձեր մասնագետներին այստեղ վերապատրաստում անցնելու, ուսումնասիրելու մեր փորձը: Կարող ենք նաև մասնագետներ տրամադրել՝ Սերբիայում վարպետության դասեր անցկացնելու համար»:
Սերբիայի Ռազմավարական վերլուծությունների կենտրոնի ծրագրի ղեկավար Դարկո Օբրադովիչը և մյուս հյուրերը ևս կարևորել են հայ-սերբական հարաբերությունները նոր մակարդակի բարձրացման և երկու երկրների միջև մշակութային, սպորտային և կրթական կամուրջների ստեղծման անհրաժեշտությունը:
Հավելենք, որ Սերբիայի շախմատի ֆեդերացիայի գլխավոր քարտուղարն այսօր կայցելի նաև Հայաստանի շախմատի ակադեմիա և կհանդիպի ակադեմիայի հիմնադիր-նախագահ Սմբատ Լպուտյանի հետ:
ՀՀ ԱԳՆ-ն ՆԱՏՕ-ի հետ համագործակցության 30-ամյակի կապակցությամբ X-ի պաշտոնական միկրոբլոգում գրառում է կատարել: «Միասին մենք…
ԵԽԽՎ աշնանային նստաշրջանի աշխատանքներին մասնակցել են ԱԺ պատգամավորները` կառույցում մեր երկրի պատվիրակության ղեկավար Ռուբեն Ռուբինյանիգլխավորությամբ:…
Սիրիան ցանկանում է միանալ BRICS-ին և արդեն անդամակցության հայտ է ուղարկել։ Այդ մասին հայտնել է…
Հոկտեմբերի 4-ին ՆԳ նախարարի տեղակալ Արփինե Սարգսյանն ընդունել է ԱՄՆ պետքարտուղարի կիբեռտարածության և թվային քաղաքականության…
Բաքվից արձագանքել են Հայաստանի ԱԳՆ հայտարարությանը՝ նշելով, թե իբր Երևանը փորձում է մոլորեցնել միջազգային հանրությանը:…
«Հըզբոլլահի» նոր ղեկավար Հաշեմ Սաֆիեդդինը մահացել է Իսրայելի հարվածի հետևանքով, տեղեկացնում է Al Arabiya-ն։ Նշվում…