Գերմանիան Ռուսաստանի դեմ պատժամիջոցները կչեղարկի մեկ պայմանով

Գերմանիայի կանցլեր Օլաֆ Շոլցը հայտարարել է, որ Ռուսաստանի Դաշնության նախագահ Վլադիմիր Պուտինի հետ վերջերս կայացած հեռախոսազրույցի ժամանակ Ուկրաինայի հարցում Մոսկվայի դիրքորոշման փոփոխության ցանկություն չի նշմարել: Այս մասին գրում է ՏԱՍՍ-ը:

Կանցլերի խոսքով՝ Մոսկվան ռազմական հատուկ գործողության սկզբում նշած նպատակներից ոչ մեկին չի հասել։

Շոլցը հայտարարել է, որ Ռուսաստանի նկատմամբ պատժամիջոցները չեղարկելու միակ հնարավորությունը Մոսկվայի ու Կիևի միջև խաղաղ համաձայնագրի կնքումն է: Նա մեկ անգամ ևս կոչ է արել ՌԴ-ին զորքերը դուրս բերել Ուկրաինայի տարածքից:

Գերմանիայի կանցլերը խոսել է նաև Հյուսիսատլանտյան դաշինքի մասին: «ՆԱՏՕ-ն ոչ միայն դուրս չի եկել, այլ նույնիսկ մեծացրել է իր ուժերը արևելյան թևում: Հյուսիսատլանտյան դաշինքն էլ ավելի կամրապնդվի, երբ դրան միանան Ֆինլանդիան և Շվեդիան»,-ասել է Շոլցը։