Մարիուպոլ քաղաքի «Ազովստալ» մետաղագործական կոմբինատի տարածքում պատերազմի առաջին օրերից դիրքավորված ուկրաինացի զինծառայողները դուրս են գալիս նկուղներից: Դրանով Մարիուպոլն ամբողջությամբ անցնում է ռուսների հսկողությանը:
Հինգ ավտոբուսներով զինծառայողները ռուսական բանակի ուղեկցությամբ մեկնել են Նովոազովսկ: Նրանցից շատերը վիրավոր են: Ուկրաինայի պաշտպանության փոխնախարար Աննա Մալյարի փոխանցմամբ, 53 վիրավորներին փոխադրել են հիվանդանոցներ:
«Զինված ուժերի գլխավոր հետախուզական վարչությունը, Ազգային գվարդիան և Սահմանապահ ծառայությունը համատեղ սկսել են «Ազովստալի» գործարանի տարածքից 53 վիրավորներին Նովոազովսկ փոխադրեելու գործողությունը, ևս 211-ը մարդասիրական միջանցքով տեղափոխվել են Օլենիվկա, նրանց վերադարձի համար փոխանակման գործըինթաց կլինի»,- ասել է փոխնախարար Մալյարը:
Ուկրաինական կողմը չի կիրառում «հանձնվել» եզրույթը, սակայն «Ազովստալից» դուրս եկող ուկրաինացի զինծառայողները գործնականում հանձնվում են:
Ուկրաինայի ղեկավարն ասել է, որ կարևորը զինծառայողների կյանքն է: Նա շնորհակալություն է հայտնել Ուկրաինայի զինված ուժերի հետախուզությանը, բանագնացներին, Կարմիր խաչին և ՄԱԿ-ին:
«Ուզում եմ ընդգծել, որ Ուկրաինային կենդանի հերոսներն են պետք, դա է մեր սկզբունքը: Կարծում եմ, ցանկացած բանական մարդ կհասկանա ասածս: Մեր հերոսներին փրկելու օպերացիան մեր ռազմական հետախուզությունն է սկսել, շարունակվում է նրանց տուն վերադարձնելու աշխատանքը, այն նրբանկատություն և ժամանակ է պահանջում»,- ասել է Զելենսկին:
Մարիուպոլը պատերազմի հենց առաջին օրվանից է ենթարկվել գրոհների և դարձել է խորհրդանիշ թե՛ ուկրաինացիների դիմադրության և թե՛ Ուկրաինան ավերելու Ռուսաստանի ցանկության:
Աղբյուրը՝ Azatutyun.am:
Սույն թվականի հոկտեմբերի 3-ին Իսահակյան 9 հասցեում կայացել է Fastex-ի և WCIT նորարարության և տեխնոլոգիաների համաշխարհային…
Ի պատասխան ՀՀ մարդու իրավունքների պաշտպանի «Երևանի քաղաքապետարանը խախտել է Լվովյան փողոցի բնակիչների իրավունքները»՝ այսօր…
Աշխատանքային այցով Ֆրանսիայում գտնվող վարչապետ Նիկոլ Փաշինյանը Վիլեր Կոտրե քաղաքում` ֆրանսերեն լեզվի նոր միջազգային ավանում,…
ՀՀ ԱԳՆ մամուլի խոսնակ Անի Բադալյանի պատասխանը լրատվամիջոցներից ստացված հարցմանը - Ադրբեջանի նախագահ Ի. Ալիևը…
Իրանի Իսլամական հեղափոխության պահապանների կորպուսի գեներալ Ալի Ֆադավին հայտարարել է, որ եթե Իսրայելը հարձակվի իրենց…
Երևանում այսօր կայացել է Անկախ պետությունների համագործակցության մասնակից պետությունների գլխավոր դատախազների համակարգող խորհրդի 34-րդ նիստը:…