Գյումրիում անօթևանները տուն կունենան փազլի շնորհիվ

15 հազար կտորից բաղկացած փազլը կօգնի գյումրեցի անօթևաններին։ Յուրաքանչյուր ոք կարող է մասնակցել այս նախաձեռնությանը։

«Գյումրին առանց տնակների» հիմնադրամը մի նախաձեռնություն է սկսել, որը կօգնի գյումրեցի 1 կամ 2 անօթևան ընտանիքի բնակարան ունենալ. գյումրեցի նկարիչ ՀՀ մշակույթի վաստակավոր գործիչ Սուսաննա Մկրտչյանի «Իմ հոգու տուն, Գյումրի» շարքի նկարներից մեկը 15 000 կտորով փազլի է վերածվել, և յուրաքանչյուր ցանկացող կարող է մինչև սեպտեմբերի 21-ը 1000 դրամով գնել փազլի մեկ կտորը։

Հիմնադրամի կամավորներն ամեն օր Գյումրու «Վարդանանց» հրապարակում՝ քաղաքացիական կացության ակտերի գրանցման գործակալության Գյումրու տարածքային ստորաբաժանման մուտքի մոտ, սպասում են բոլորին:

Ընտանիքի կամ ընտանիքների (կախված բնակարանի արժեքից) ընտրությունը կարվի հիմնադրամի 21 անդամից բաղկացած հոգաբարձունների սահմանած չափորոշիչներին համապատասխան, բայց նախապատվությունը կտրվի բազմազավակ ընտանիքին։

Ավելին՝ armeniasputnik.am