Եվրոպական հանձնաժողովը պայմանագիր է կնքել կապիկի ծաղիկի դեմ 110 000 պատվաստանյութի գնման վերաբերյալ, որոնք նախատեսված են ԵՄ երկրների, ինչպես նաև Նորվեգիայի և Իսլանդիայի համար։ Ըստ ԵՀ-ի մամուլի հաղորդագրության.
«Առողջապահական արտակարգ պատրաստվածության և արձագանքման գրասենյակը պայմանագիր է կնքել «Bavaria Nordic»-ի հետ՝ գնելու երրորդ սերնդի պատվաստանյութերի 109,090 չափաբաժին՝ կապված կապիկի ծաղիկի ընթացիկ բռնկումների հետ: Քանի որ դեպքերի թիվը շարունակում է աճել, պատվաստանյութերը արագորեն հասանելի կդառնան ԵՄ անդամ բոլոր երկրներին, Նորվեգիային և Իսլանդիային:
Առողջապահության հարցերով եվրահանձնակատար Ստելլա Կիրիակիդեսը երեքշաբթի ասել էր, որ այս դեղերի առաջին առաքումները սպասվում են հունիսի վերջին։ ԵՀ-ն նաև նշել է, որ առաջին անգամ ԵՄ ընդհանուր բյուջեի միջոցները կօգտագործվեն պատվաստումների ծախսերի համար, որոնք այնուհետև կարող են բաշխվել ԵՄ երկրների միջև։
Ըստ Եվրահանձնաժողովի տվյալների՝ մայիսի 18-ից կապիկի ծաղիկի մոտ 900 դեպք է գրանցվել Նորվեգիայում, Իսլանդիայում և ԵՄ 19 երկրներում (Ավստրիա, Բելգիա, Չեխիա, Դանիա, Ֆինլանդիա, Ֆրանսիա, Գերմանիա, Հունաստան, Հունգարիա, Իռլանդիա, Իտալիա, Լատվիա, Նիդեռլանդներ, Լեհաստան, Պորտուգալիա, Սլովենիա, Իսպանիա, Շվեդիա և Մալթա):
