ՆԱՏՕ-ի գլխավոր քարտուղար Յենս Ստոլտենբերգը Հաագայում տեղի ունեցած ասուլիսի ժամանակ հայտարարել է, որ Ուկրաինայի արևելքում ռուսական բանակի առաջխաղացումը դանդաղեցնելու համար արևմտյան երկրները պետք է որքան հնարավոր է շուտ ավելացնեն ծանր սպառազինության մատակարարումը Կիևին։
«Այո, Ուկրաինային ավելի շատ ծանր սպառազինություն է պետք», – հաստատել է Ստոլտենբերգը՝ հավելելով, որ ուկրաինական զորքերը լիովին կախված են այդ մատակարարումներից։
ՆԱՏՕ-ի անդամ եվրոպական երկրներն արդեն ընդլայնում են ծանր սպառազինության մատակարարումները Կիև, և այսօր դրանց առաջնորդները կհանդիպեն Բրյուսելում՝ ի թիվս այլ հարցերի քննարկելու այդ աջակցության միջոցները: