Եվրամիությունն ուղիներ է փնտրում ռուսական էներգիայից իր կախվածությունը նվազեցնելու համար և ընդլայնում է համագործակցությունը Իսրայելի հետ:
Եվրահանձնաժողովի նախագահ Ուրսուլա ֆոն դեր Լայենը նախօրեին ասել է, որ Եվրամիությունը շարունակում է նախապատրաստվել երկու խոշոր ենթակառուցվածքային նախագծերի իրականացմանը, որոնք ուղղված են Իսրայելի հետ էներգետիկ կապերի ամրապնդմանը՝ խողովակաշար Միջերկրական ծովի արևելքում և ստորջրյա էլեկտրահաղորդման մալուխ, որը կապում է Իսրայելը Կիպրոսին և Հունաստանին:
«Պատերազմի սկսվելուց ի վեր Ռուսաստանը միտումնավոր դադարեցրել է գազի մատակարարումը Լեհաստանին, Բուլղարիային, Ֆինլանդիային, հոլանդական և դանիական ընկերություններին՝ ի պատասխան Ուկրաինային մեր աջակցության», – հայտարարել է ֆոն դեր Լայենը Իսրայելի հարավում գտնվող համալսարան այցի ժամանակ՝ շարունակելով. – «Սակայն Կրեմլի պահվածքը միայն ամրապնդեց մեր վճռականությունը՝ ազատվելու ռուսական վառելիքից կախվածությունից»։
Աղբյուրը՝ Financial Times:
