Ազգային ժողովի այսօրվա նիստում ՀՀ ֆինանսների նախարար Տիգրան Խաչատրյանը ներկայացրել է Արցախին ուղղված հատկացումները։
2021 թվականին պետական բյուջեով սկզբնապես հաստատված 64․8 միլիարդ դրամից բացի Արցախի կառավարությանը լրացուցիչ հատկացվել է 63․9 միլիարդ դրամ։
«Դրանք հանրագումարով տարվա ընթացքում կազմել են 128 միլիարդ 700 միլիոն դրամ»,- ասել է նախարարը։ Միջոցառումները նախատեսված են եղել արցախցիների համար կենսական նշանակության սոցիալական և տնտեսական հարցերի կարգավորման համար։ «Այդ ֆինանսական միջոցները չեն ներառում Արցախի պատերազմի հետևանքների մեղմմանն ուղղված այն ծրագրերի ֆինանսավորումը, որը 2021 թվականի ընթացքում իրականացվել է ՀՀ-ում։
Վերջիններիս իրականացման համար ծախսվել է մոտ 69 միլիարդ դրամ»,- հավելել է Խաչատրյանը։