Ամերիկացի “նացիստների որսորդը” կգլխավորի Ուկրաինայում ռազմական հանցագործությունների հետաքննության խումբը

ԱՄՆ-ի գլխավոր դատախազ Մերրիկ Գարլանդը հայտարարել է Ուկրաինայում ռազմական հանցագործությունների հետաքննության հատուկ խմբի ստեղծման մասին: Այն կգլխավորի արդարադատության նախարարության աշխատակից էլի Ռոզենբաումը, որին անվանում են ԱՄՆ-ում ամենահայտնի “նացիստների որսորդը”:

ԱՄՆ արդարադատության նախարարությունը կօգտագործի բոլոր հնարավորությունները ՝ պատասխանատվության ենթարկելու նրանց, ովքեր ռազմական հանցագործություններ և այլ ոճրագործություններ են կատարում Ուկրաինայում”, – հայտարարել է գլխավոր դատախազը։

Գարլանդը հայտնել է, որ խմբում կհավաքվեն մարդու իրավունքների խախտումների եւ ռազմական հանցագործությունների հետ կապված գործերի հետաքննության առաջատար մասնագետներ:

Գլխավոր դատախազը նաեւ ասել է, որ ԱՄՆ-ն փորձագետ կուղարկի Ուկրաինա ՝ կոռուպցիայի եւ փողերի լվացման դեմ պայքարում օգնելու համար: Երկու այլ փորձագետներ կուղարկվեն Եվրոպա եւ Մերձավոր Արեւելք, որտեղ տեղական իշխանություններին օգնություն կցուցաբերվի նրա դեմ սահմանված պատժամիջոցները շրջանցելու Ռուսաստանի փորձերի դեմ պայքարում, ինչպես նաեւ կօգնեն օպերատիվ խմբին, որը զբաղվում է պատժամիջոցների տակ հայտնված ռուս օլիգարխների ակտիվների որոնմամբ եւ ձերբակալմամբ:

Էլի Ռոզենբաումը 1994-2010 թվականներին ԱՄՆ-ի արդարադատության նախարարությունում գլխավորել է հատուկ հետաքննությունների վարչությունը: Այն զբաղվում էր նաեւ նացիստական ռազմական հանցագործների որոնմամբ եւ արտաքսմամբ, ինչպես նաեւ ձգտում էր նրանց զրկել ամերիկյան քաղաքացիությունից:

Բրիտանացի պատմաբան Գայ Ուոլթերսը Ռոզենբաումին անվանել է պատմության մեջ ամենահաջողակ “նացիստների որսորդը”: Նա բացահայտել է 100-ից ավելի նացիստների։

Աղբյուրը՝ Meduza. io:

Թարգմանեց՝ Աստղ Խաչատրյանը։