Flyone Armenia-ն դառնալու է արագ զարգացող, ուժեղ, ազգային ավիափոխադրող․ Ա․ Անանյան

Թիվ 1 ստուդիան հյուրընկալել է Flyone Armenia-ի խորհրդի նախագահ Արամ Անանյանին։

Պարոն Անանյանը նշեց․«Մեր նպատակները շատ ավելի (լավ իմաստով) հավակնոտ են, և մենք անելու ենք հնարավորը, որ տարեկան մեր ուղևորաշրջանառությունը տասնյակ անգամ ավել լինի։

Մենք խոստացել ենք, որ իսկապես, դառնալու ենք արագ զարգացող, ուժեղ, ազգային ավիափոխադրող, և անելու ենք հնարավորը, որ չնայած օբյեկտիվ և սյուբյեկտիվ դժվարություններին՝ Flyone Armenia-ի բրենդը լինի սիրված»։

Նա նաև հավելեց, որ կա մի հանգամանք, որը թերևս պետք է համարել հետագա աշխատանքի կարևոր ուղղություններից մեկը․ դա ուղևորներին ավիացիոն տեղեկատվության ավելի մեծ ծավալ փոխանցելն է, ինչը հնարավորություն կտա, որ սպասելիքները և իրականությունը շատ հաճախ իրար համընկնեն։