Այսօր կկայանա Պուտինի և Թրամփի հատուկ բանագնացի հանդիպումը. Պեսկով

Ռուսաստանի նախագահ Վլադիմիր Պուտինն այսօր կհանդիպի ԱՄՆ նախագահի հատուկ բանագնաց Սթիվ Ուիթկոֆի հետ, հայտնել է ՌԴ նախագահի մամուլի քարտուղար Պեսկովը։

Կողմերը կքննարկեն ուկրաինական կարգավորման հարցը։ Կրեմլի ներկայացուցչի խոսքով՝ սա լավ հնարավորություն է Թրամփին փոխանցելու Ռուսաստանի դիրքորոշումը։ Պեսկովը հավելել է, որ հնարավոր է՝ բարձրացվի նաև Ռուսաստանի և Միացյալ Նահանգների առաջնորդների հանդիպման թեման։ Միաժամանակ նա նշել է, որ այսօրվա հանդիպումից չարժի ակնկալել բեկումնային արդյունքներ։

Խոսելով հանդիպման տևողության մասին՝ Պեսկովը նշել է, որ ֆիքսված ժամանակացույց չկա. «Ուիթկոֆի հետ հանդիպումը կտևի այնքան, որքան անհրաժեշտ կլինի Պուտինին»։